Նոր սարքավորումը կվերահսկի փոքրիկների քունը. tert.am

Գիտնականները ստեղծել են մի սարք, որը վերահսկում է երեխաների քունն ու սենյակային պայմանները: Այն նաև  ի զորու է կանխատեսել երեխայի արթնանալու պահը: Այս մասին հաղորդում է Meddaily.ru-ն՝ հղում կատարելով The Financial Express-ին:

Հեղինակները տեղեկացրել են, որ սարքը վայրկյանում 16 տարբեր ցուցանիշներ է արձանագրում, դրանց մեջ են ներառվում երեխայի սրտի ռիթմի, մարմնի ջերմաստիճանի, դիրքի, խոնավության մակարդակի, սենյակի աղմուկի և լուսավորության տվյալները:

Sproutling կոչվող նոր սարքը երեք բաղադրիչներից է բաղկացած ՝ հիոպալերգիկ սիլիկոնից պատրաստված շնչող և լվացվող թևնոցից, սարքի լիցքավորման անլար շրջանակից, որն ի դեպ  վերահսկում է ջերմաստիճանային պայմանները, և հատուկ հավելվածից, որը ստացված տեղեկատվությունը հասանելի է դարձնում և հրահանգավորում է տալիս: Բոլոր բաղադրիչները միմյանց են միանում Wi-Fi ինտերնետի միջոցով:

Հարցեր, պատասխաններ, մեկնաբանություններ